Татко на мојата ќерка

– На што работат бродовите?
– На ветар.
– На што работат трамваите?
– На струја.
– На што работат мелниците?
– На вода.
– На што работат локомотивите?
– На јаглен.
– На што работат автомобилите?
– На бензин.
– А на што работат татковците?
– На бакнежи! Тато, вака ли Индијанците ги носеле своите деца, како ти мене?
– Не. Храбриот воин никогаш не носело малата скво. Големата скво имало носилка и носело малата скво. Малата скво цел ден гледала големо пасиште. Кога била гладна, малата скво цицало мајка. И кога имало седум години, таа цицало. Но, малата скво не смеело плачело.
– Зошто?
– Ако тоа плачело, непријателот открил племето, убило мама и запалило вигвам.
– А кога бебето е многу мало?
– Мајка однела бебето далеку од логорот, и оставило.
– Не однела!
– Однела. Тогаш малата скво научило, ако тоа плачело, тоа ќе останало без вигвам и без мајка, и тоа никогаш не плачело.
– А кога било гладна?
– Тоа добило да јаде.
– Како би се викала јас да сум Индијанка?
– Утринска Насмевка.
– А ти?
– Сивиот Скалп.
– А мама?
– Скво на Сивиот Скалп.